فى نــاس كتيـــر بتسمع ارقام الاعيره و مش بتفهم منها حاجه .. الارقام دى بتدل على ايه او ايه لزمتها !!؟؟
مبدئيــا كده الصوره اللى قدامكم دى فيها 3 اعيــره مختلفه و هى " من الجانب الايسر " : -
* ( 7.62 × 39 مم ) :-و دا اكتر عيـــار منتشر فى الجيش و هو عيار البنادق AKm و المعادى
* ( 5.45 × 39 مم ) : و دا عيـــار روسى برضوا بس لبنــادق معينه زى ال Ak-74
* ( 5.56 × 45 مم ) : و دا العيـــار الامريــكى المستخدم على اسلحتها زى ال M-4 و ال M-16
نــرجع لموضوعنا طيب الارقــام دى بتدل على ايه يعنى مثلا لما اقول ( 7.62 × 39 مم ) دا بيدل على ايه
بصــوا يا حضرات أرقام الأعيرة قيمتين ... القيمة الأولى بتدل على قطــر ماسورة السلاح من الداخل و القيمة التانية بتدل على طول الظرف الفارغ للطلقة و القيمتين وحدة قياسهم هي ( الملليمتر ).
بمعنى لما اقول مثــلا ( 7.62 × 39 مم ) يبقى القيمة الأولى ( 7.62 ) مم دا قطر ماسوره السلاح من الداخل و القيمة التانية ( 39 ) دا طول الظرف الفارغ للطلقة.
لما نقول ( 9 × 19 و دا رقم عيار المسدسات ( 9 ) مم و دا معناه إن ( 9 ) مم دا قطر ماسوره السلاح و ( 19 ) مم دا طول الظرف الفارغ و هكذا على جميع الأعيرة.
Omar_CommanDos
- من صفحه القوات المسلحه المصريه -
ليست هناك تعليقات:
إرسال تعليق